Allar plantur skulu hava ljós. Ein planta í einum myrkum baðirúmi við ongum vindeyga fær eitt stutt lív. Tað er ein spurningur um, hvussu nógv og hvussu lítið. Nógvar plantur krevja nógv ella beinleiðis ljós, meðan aðrar dámar betur skugga.
Tað hevur sjálvandi týdning, at tú hevur eina kenslu av, hvussu nógv ljós tann einstaka plantan trívist best við. Um tú veitst, hvussu plantan eitur, so kanst tú sláa tað upp og gerast klókari. Um tú hevur keypt ein nýggjan urtapott, er ofta ein merkisseðil við, sum gevur tær grundleggjandi upplýsingar.
Alt eftir, hvønn veg tíni vindeyga venda, kann ljósið hava ymiska dygd.
Vindeygu, sum venda vestur- ella eystureftir eru ofta besta plássið. Teir flestu vanligu urtapottarnir trívast í slíkum vindeygum.
Í einum vindeyga, sum vendir norðureftir, er ljósið vánaligt og plantur, sum krevja nógv ljós, mistrívast har. Her kanst tú í staðin seta plantur, sum helst vilja hava skugga.
Mesta ljósið kemur sunnanífrá og í einum vindeyga, sum vendir suðureftir, trívast plantur, sum koma úr heitari londum. Um summarið kunnu plantur, sum ikki tola so nógvan hita, sveitta í einum vindeyga, sum vendir suðureftir.
Vilt tú hava urtapottar, sum krevja meiri ljós enn tú kanst geva teimum, kanst tú umhugsa kunstugt ljós. Tað eru nógvir møguleikar fyri LED-lampum og vakstrarljósi. Tú kanst eisini keypa eina vanliga peru við røttum litbroti. Tað stendur sum oftast uttan á dósini, um peran egnar seg til plantur.